كل عام احنا حبايب
صدقيني العيد نفسه ماتغير من سنين
فرحة أطفال .. لمة أحباب وقرايب
والأغاني والكروت وقولة من العايدين
والتمام الشمل يوم العيدوانسام الهبايب
والهدايا والتهاني وحب روس الوالدين
والمواصل للعمام .. وللخوال .. وللنسايب
كل حاجة مثل ماهي بس أنا حالف يمين
إن لاغبتي باسجل نفسي في هالعيد..غايب
ليه لاطالعت كرت العيد أكفكف دمعتين
من ذكرت أعيادنا .. وأيام كان الوضع طايب
اذكر أني من مصلى العيد وأنتي تذكرين
كنت أسابق خطوتي .. متجه يمك وذايب
لجل أكون الشخص الأول لجل مني تسمعين
في صباح العيد جملة كل عام احنا حبايب
لجل نكتب خلف كرت العيد ذيك الكلمتين
كنت اجيك بقلب طفل وطيش شاب وثقل شايب
كنت أنا أعايد وحالي حال باقي العاشقين
ومامعاي إلا خفوقي وذي عيوني لك وهايب
وأنت في أجمل ثيابك كاشخة .. والزين زين
تثبتين أنك عجيبة غير عن كل العجايب
فرحة العيد بلقانا كانت أصلا فرحتين
مثل ضحكات الورود ومثل زخات السحايب
ماليوم العيد طعم ومالها الذكرى حنين
وكل منا في مكان .. وكل واحد له طلايب
الرجا في عيد الأضحى يمكن أنك ترجعين
ما اقول الا .. عسى الله يجزي من كان السبايب
وان رجعتي وشفتي أني في عداد الميتين
ذا أنا بوصيك حاجة .. قبل تنحط النصايب
طالبك .. في كل عيد بعد موتي تكتبين
خلف كرت العيد . . جملة كل عام احنا حبايب
![[b]فرحة العيد [/b] I_icon_minitime](https://2img.net/s/t/10/04/47/i_icon_minitime.gif){kind=icon}
الخميس 11 ديسمبر 2008, 8:05 pm من طرف البرق اللامع
![[b]فرحة العيد [/b] Facebook](https://2img.net/i/fa/social_bookmarking/facebook.gif)
Ahlamontada 
![[b]فرحة العيد [/b] Empty](https://2img.net/i/empty.gif)
موضوع: [b]فرحة العيد [/b] 
![[b]فرحة العيد [/b] I_vote_rcap](https://2img.net/s/t/10/04/47/i_vote_rcap.jpg){kind=small}
![[b]فرحة العيد [/b] I_voting_bar](https://2img.net/s/t/10/04/47/i_voting_bar.jpg){kind=small}
![[b]فرحة العيد [/b] I_vote_lcap](https://2img.net/s/t/10/04/47/i_vote_lcap.jpg){kind=small}
