قصيدة طفل ابكت 500 شخص

يايبـه ... عمري ... حبيبي

لا تأخر

أبي ترجع قبل ماأنام

أبي اتلحف حنانك في

تصبحين بخير مع بوسة على خدي ...... يبـــه وانام

وقبل ماانسى يبـــه اســـــــــمع

ابي دفتر رسم أحمر

وابي أقلام للتلوين

وابي فستان .... مثل لون الشموس أصفر

وابيك انت تلبسني

تحمل يبه أرجوك

تمهل يبه أرجوك

شوي ... شوي ..يبه وينك ؟

تعبت أنتظر

تعبت اتخيل ايدينك

يبه وينك ؟

تعبت أسأل زوايا البيت

تعبت أسئل ثوبك المكوي

تعبت اشم عطرك

واحضن غيابك

تعبت أكذب على دمعي

وارتب عيني وثيابك

يبـــه وينك ؟

ألف الدار واتذكر

هنا يمشي .....

هنا يجلس ....

هنا يضحك ....

يبه وينك ؟

ويقطع حزن هالأفكار

باب الدار

واصيح بصوت واتحشرج ..... منو بالباب ...منو اللي دق هذا الباب

أنا ماابي لعب .....و أقلام

انا مابي هدايا

انا مابي اشوف اصحاب

يبـــه وينك ؟
__________________