من اشعار بدر بن عبدالمحسن
(صرخة) ذكرتك يوم..واليوم موعود...لجل الوفا لراعيك موفـي الوعايـد
كني بوقتٍ راح حاضر..وموجـود....فـيومٍ غشـاة المجد..علـه بعايـد
وكن (المربع) تـوه اليـوم مشيـود...جدران طين...اطمام سقفـه جرايـد
قصرٍ بنى العدل..والطيب والجـود...سوره ذرى للناس وفرشـة وسايـد
يقرا المطوع..بيرق الحـق بسعـود...في مجلسٍ راعيه بالوصـف كايـد
من حوله سيوفٍ وردنٍ ومـا هـود...روس الرجال اشيوخ كـل البدايـد
اعداه من طيبه غدو تحتـه جنـود...محـدٍ جمـع مثلـه بفعلـه ضدايـد
ستين عام اللي مضت ياهل العـود...ستيـن مـع ستيـن غـرٍ مجـايـد
يالله عسى قبرٍ به الطيـب مَلحـود....يسقي ثراه من أول الغيـث جَايـد
اللي جَمعنا سَهـل وجبـال وجنـود...بعـد السنيـن الممحـلات الشدايـد
يادارنا عّـدك مـن النـاس مَـارود...خَيرك على الدنيَـا قريـبٍ ونايـد
ويَا دَارنا بابك عن الـذّل موصـود...وزهر الفخر نبتـك قديـم وجَدايـد
وقت العسر بالدم نوفي لك اعهـود...ووقت الرخا بنقول مَـدح وقصايـد
من اشعار بدر بن عبدالمحسن