حفلة نهايتنا

موضوع: حفلة نهايتنا الخميس 30 أكتوبر 2008, 1:18 am

فـ الليل أقــول بتنفرج بكرة وكل شــي بـ يــزين
ولا جاء النهار أرخــت علي سود الهموم ذيولها

حبـيـبتي جـيـتــك ولا فــي قـلــبي ألا كلـمـتـيـن
لا مــن بـغـيـت أقـولها عنــدك عجـزت أقـــولها

أخـطـيـتي بحــقي خطأ، ولا كــأنا مـســلمــيـــن
وشلـون ترضى نفـسي أخطاءك وتنـــسى هولها

ممكن أسـامح غلـطـتـك لو كان عذرك لي سمين
لكن وعودك مثل حــاجــة ما أعـــرف مــدلولها

أنا ومـهـما صار ما لــي غير أقــول: (الله يعين)!
بس الأمــاني يا منــى تــشــكي عــلى مسـؤولها

غـديــت أعيــش بحــيرة وروحي تجرّحها السنين
لا تســأليني عــن علاقـتـــنا ورأيـــي حــولـــها

شــوفـــي عـيــونــي، حسي بقلبي؛ بعدها تعرفين
مــن كان سـهـــران اللـيــالي ما يـهـمـّه طــولها

أضحك ودمعي ينــحدر . . أفرح ولو قلبي حزين
ما أبي أقــول الكلـمـتـيــن اللي بـغـيــت أقــولـها

ما عــاد أظــن بـتـنــفرج بكــرة ولا شي بـ يزين
ما دامـها تـرخــي علي ســود الـهـمـوم ذيــولـها

عـيـشـي حـيـاتـك يا مـنـى . خليـني ولو ما تبين
حـفـلة نـهـايـتـنـا أحـســـه حــان دق طـبــولـــها

على الخاطره الجميله