خواطر يتيم

والدي ليش الجفى بس قلي

وشهي حياتي ياحياتي بدونك

من كثر ماحبك حبيت نفسي

لانك دوى روحي وروحي فدا لك

يابوي تهجرني وحيد لحالي

ماكفتك دنياي تقسى تجي زود منك

تكفى تجاوبني انا وش جاك مني

وش هي ذنوبي واسباب صدك

كل يعيش الحب وبخير يمسي

الا انا مجروح وجروحي منك

مجروح من بعدك وهجرك ياكلي

ليش القسى والبعد يابوي منك

يمكن تقول اني سبب نحس لامي

ذي قدره الله .. والله كتب لك

لالاتحاسبني بااقدار ربي

اسمع كلام يقول يافاقد امك

لكن احسن الحين بااحساس ثاني

احساس ذابحني والله منك

يكفي فقيد الام يابوي يكفي

خلك معي واصير من تحت رجلك

اكبر اماني خالد ان هو تمنى

انه يكون اليوم في وسط حظنك

مابي من الدنيا مراكز ومالي

حتى ولا عذرا تناديني احبك

ابيك انا .. محتاج يابوي خذني

عطني حنانك ارجوك تكفى طلبتك

مابي تصير انت والايام ضدي

يكفي جروح اليتم وايام بعدك

هذي خواطر هم وابيك تدري

وماظن تدري وهم ماخذينك

الله يسامحهم على مابلوني

والله يحننهم على خالد ابنك

حسبي الله ونعم الوكيل